求婚記 - 鑽戒編

點解求婚一定要鑽石戒指呢？蔡東豪講過鑽石係地球上最成功既 Marketing 手段，佢張一樣冇用既野成功地同愛情 link up 左一齊。「鑽石恆久遠，一棵永留存」。咁你睇到呢度，一定噓我啦。咁呀k 你又買！係我覺得鑽石係冇用，不過鑽石又真係幾靚。同埋當你見到另一半收到鑽石時候既開心樣，幾多錢都值啦！

其實自2011 年年初開始，已經留意下卡裝鑽石既價錢。唔睇由自可，一睇就眼坦坦。點解周xx既卡裝鑽成八萬十萬既！其實我既要求都只不過係 1.0x cart E-F VS1-VS2 3EX none 姐！咁掉低左半年都有 on and off 咁睇下，最後俾我發現左有幾間樓上鋪既價錢幾相宜，就預約左去睇下。

最後分別鎖定係 iscream diamond同 desires by venus

呢兩間鋪頭既主理人都有耐心同耐性，會教個顧客點樣去睇每粒石既分別，搵出內含物所在位置，同點樣分別靚唔靚。最重要唔似得周xx既 Sales 咁一咪 hard sale，又唔教你點睇粒石，一味講幾多卡、顏色、淨度，但當你問佢內含物係邊、cutting 係點，佢就答你唔到。

最後睇岩左粒石後，再請教一下珠寶店太子爺既意見，就同 iscream diamond 既 Ms Wong 買左粒石。據珠寶店太子爺 Chris 爺話，批發價都未必拎到呢個價。當然你可能問，會唔會係假石黎架？不過 Ms Wong 既購石流程值得一讚。選托、下訂後，戒指在約4-7個工作天內可完成。Ms Wong 再會 drop 低戒指到 GIA Lab 覆檢，再約顧客一同在 GIA Lab 交收。保證粒石同張 Cert 描述既係同一粒石黎。

之後就要諗諗最頭痛個part，求婚！！！



P.S. 可能你又會問點解要買粒咁貴既可呢?其實我都唔知點解，不過硬係覺得一定要買 d 自己都覺我肉赤既價位先ok。(細細聲講:「起碼都要貴過我個四架單車加埋先啦！你話係唔係。」)

P.S. 2 選托方面，就選左最簡單既爪鑲單粒(solitaire)款式，感覺上求婚戒指應該要簡單款式，有一種清新、純潔既感覺，也會比較耐看。

k