20.6.11

Pre-wedding 與 Wedding Day 攝影之選擇


sk 經過一輪 research 之後,我地決定搵 freelancer 拍 Pre-wedding 同 Big Day 既照片。其實最主要考慮以下幾點。第一我地可以 ensure 拍出黎既照片一定係我地鍾意既 style、第二就係我地比較貪心,想要多 d 原相、第三 freelancer 通常都比較有 heart 冇咁公式化。

當我地決定左搵 freelancer 之後,S 就係咁做 research。因為 k 其實對婚攝冇咩概念,同埋冇咩要求。(其實好高要求就真) 咁 s 就開始係 Yahoo!BlogFacebook 開始搵一 d 人地 recommend 既 freelancer。大多 freelancer 都會將佢地既作品 upload 上 Facebook 同佢地自己既 blog。如果你冇咩頭緒既話,建議可以係 Yahoo!Blog search 下其他新人既 comment,又或者可以係 Facebook add D 名氣比較大既 photographer 先 (i.e. simon.the.photo , CM Leung , photobyben , Dennis Mok , DM)。因為佢地通常都會互相 add 一 d 行家,你可以再係入便慢慢搵下。通常你睇下睇下就會知道自己想點架啦,至於我地呢?就係篩選過程入便我地發現左我地比較喜歡一 d 粉色 cinema-tone 既相

經過一輪篩選後,我地就開始約心儀既 freelancer 出黎 interview。好快就 confirm 左 BillyONAIR 幫我地拍 Pre-wedding。

至於 Big Day,我地就好著重 snapshot photographer 既相。經過 interview 後, sk 就係 Terry LoHyvis Tong 之間掙扎。因為兩位 photographer 既相我地都好鍾意,不過最後因為一個原因就用左 Hyvis la。(原因就唔講啦)

What's next? 梗係減肥啦! (不過冇咩進展 :P)

k

9.6.11

選擇困難症之 Pre-wedding & Wedding Day 攝影


呢一、兩個月個 Blog 好似荒廢左咁,我地冇偷懶架只不過我地為左 Pre-wedding 同 Wedding Day 既攝影煩惱緊。其實我地去過三、四次 Wedding Expo都一定會走去睇下婚攝既 booth,望下有冇岩心水既公司。其實擺 expo 既婚攝公司大致上有兩種。

第一種係較傳統既婚攝公司,提供一條龍既服務。由攝影師、婚紗、晚裝禮服、化妝、外景交通到 logo 設計都可以安排晒。Package 可以由數千至數萬蚊不等,視乎你攝影既地方 (韓國? 麗江? 輕井澤? London? Prague?),要求既服務 (Childhood Video? MV? Making Of? Big Day 2P2V? Same day Edit? Photo Slideshow? 用單反拍 Video? 新娘房現場直播?),真係五花百門。但傳統既婚攝公司既相大都比較 standard,變化唔多。因為佢地都係團隊合作形式為主,無論 Pre-Wedding 同 Big Day snapshot 既攝影都冇咩個人風格,以穩陣行先。相反黎講質素較穩定。但係留意一點,package 大多只包 30-50 張相,服裝又會分 Grading。另外要留意交通費、食飯費、安瓶費用、攝影時間、外拍景點數目既收費。

另一種就係 Freelancer,通常都係有個人風格既攝影師,以 one man band 形式接 job (當然都會有自己既班底,通常最少有一個 assistant至 2P2V 都可提供)。收費就由一萬至幾萬不等,但通常都唔包化妝、set 頭同交通。不過 Freelancer 交既相、執既相會較多,同埋相片質素較有保證。因為大多 Freelancer 都係靠口碑,同埋一定係佢自己負責返影相同執相。再者攝影師既風格唔岩你,你都唔會選擇佢啦。

以下係一 D 較常問的問題:

Wedding Photo Q&A

Package
  1. Package 價錢?
  2. 包幾多張相? soft copy幾多? hard copy幾多?
  3. 幾多本album? 咩size?
  4. 會唔會免費幫你排版?幾多張相會幫你加效果同入相簿?
  5. 相簿會唔會防UV?
  6. 有冇油畫? 咩size? 包唔包架?
  7. 相片會唔送埋所有相片的底片(底片全包)?
  8. soft copy 有幾多張相係執左?
  9. 只要 soft copy 幾多錢一張? 執左?
  10. soft copy 原相係咩format? 會唔會加water mark?
  11. 包唔包婚宴播結婚相DVD? 咩format? 時間幾長? or 成長片段DVD?
  12. 可唔可以指定攝影師?(這個好重要的,因為不同的攝影師會有不同的風格的,但係自己都要定一個預計何時攝影期,因為人地才能預留時間給你)
  13. 拍攝當日唔好天有冇得改期? 最遲要幾時決定?

影相當日
  1. Package 包幾多個鐘? 化妝時間計唔計埋?
  2. 加鐘幾錢? 食飯時間又點計? 食飯錢又點計? (攝影師? 司機? 化妝?)
  3. 幾多個location? 計唔計埋studio入面?
  4. 有冇車?咩車(七人車)? 有冇curtain? 包唔包司機?
  5. 如果自己帶多套衫會唔會收錢? 帶道具又收唔收?
  6. d相幾耐有得睇? 再等幾耐會有相簿?

化妝造形
  1. 服裝會唔會有分不同等級?套餐包 幾多套服裝?可唔可改衫?可唔可以試衫 (如果仍未俾錢的話)?
  2. 化妝會否另加錢 Hair + makeup?化妝包幾多次(通常不同的婚紗會有不同的妝)? 有沒有試妝服務?
  3. 包唔包首飾? 頭飾?
  4. 包唔包男化妝?
  5. Package 唔包d乜? (male shirt, female grudle, 粉pop + 假眼睫毛) 會唔會hardsell 安瓶

Big Day
  1. 有幾多個photo? video? 化妝師? 跟唔跟車?
  2. 攝影師會唔會離場? 離場離幾耐?
  3. 如果唔離場? 可唔可以空擋時間週圍去影相?
  4. 包唔包早拍晚播? 早拍晚播要用幾多時間? Camera Man 會唔會要離場搞?
  5. 包唔包即日 photo slideshow(not video wor)
  6. 如果場地燈光好暗,會唔會準備定 Studio Light、閃燈傘 etc
k

LinkWithin

Related Posts Plugin for WordPress, Blogger...