30.1.13

Logo Final and Welcome Board

之前 Welcome Board 既 logo 就用左係 Welcome Board 同張帖度, Backdrop 就自己再砌個簡潔版,不過都係用 SK 兩隻字同一個 fonts 黎玩。一來係唔想個 backdrop 太花,影相好睇 d。二來想要個 Grand d 既感覺襯返個場。

不過因為係就咁平面 foam board 既關係,最後效果都係普普通通,如果再用多層 foam board 去做浮雕效果或者 die-cut 再加一盞燈,效果應該好好多。


另外 Welcome Board 個完成品唔錯,特別嗚謝 Brenda 畫個幾塊葉,有支 Wacom 筆易畫好多。



k

26.1.13

Pre-wedding by Billy Onair Photography (3) - 山頂

我同 s 一直都想係 Pre-wedding 入便有一片綠綠既草地,咁我地兩個上草原地圖搵呀搵,發現係香港島要搵一塊開揚而又無高樓大廈既草地,係好.............困難既。有一日 s 失驚無神話,不如上山頂睇下,就係咁決定左其中一站就係山頂。

咁山頂除左草地呢仲有小小維多利亞式既建築物、日落既 magic hour 同樹林影下,不過如果陰天就唔好博啦,好大機會大霧同影唔到 magic hour。不過山頂環景開揚,草地幾靚,無摭無擋既天空,人跡旱至,真係幾正。

k

守衛室 - 正面都幾靚

山頂公園


 小食亭旁

涼亭 Magic Hour

21.1.13

Pre-wedding by Billy Onair Photography (2) - 石澳

點解去石澳影呢?同 s 最早 confirm 既地方就係石澳,一來就係 Billy 提議既,二來石澳真係幾多唔同既背景。有海、有石、有橋、有樹、有浪、石灘、沙灘、小屋、酒吧,變化幾大。早兩三年 Photobyben 影石澳都影得幾多下,大家不妨去 Google search 下,佢有幾張真係好靚。

另外大家影 Pre-wedding 之前其實有 d 功課可以做,租裙,做衫,花球,頭紗,facial, fu mask 個 d 自己搞點啦下。大家如果見到人地 d 相,個 pose 靚或者地方靚,可以 save 低左佢先,再俾返 photographer 睇下。另外亦可以準備定 d props,變化再大 d。其實攝影師成日影重覆既影都幾悶,如果新人既創意大 d,張相影出黎既效果就好唔同。

睇住相先,下次寫山頂。山頂有野影既咩?你知唔知 1946 年以前港督每個 weekend 都住係山頂,以係山頂有個巨大既私家花園。

k






16.1.13

Pre-wedding by Billy Onair Photography (1)

都知個 blog 係我地結婚後荒廢左好耐,由今日起我地開始分享返 d detail 啦!另外 yahoo!blog 個邊個 cover/title photo 搞唔掂,由今日起個 layout 就唔同步啦!

其實之前都寫過,因為唔係太鍾意婚攝公司 A B C posts 既鑵頭 pre-wedding 相,所以同 s 好快就決定左搵 freelancer 拍 pre-wedding。一來可以搵岩自己 style 既攝影師,以影相既地方又可以自己決定。

香港最 hit 都係石澳、大霸、城門水塘、中西環,又或者去一 d 對你地有特別意義既地方,例如母校、舊公司、餐廳。我地就去左石澳、山頂同中環三個地方。雖然三個地方都唔係太遠,但係車程、換衫加轉妝都用好多時間。加上原來影全日戶外相真係好攰、好攰、好攰、好攰、好攰...................,所以大家早一日真係要早 d 訓。另外要準備既野都係男女服裝、飾物、nubra、girdle、化妝用品、等等,男士多鬚既話最好帶鬚刨。除此之外都冇咩特別。

另外我同 s 都幾黑仔,約左影相既日期又打風,又落雨。不過好多謝 Billy 遷就我地,俾我地臨時臨急,朝早 7 點先決定改日期都冇問題,仲要咁樣改左兩次,再次多謝 Billy,阿基,麻蓉同 MUA Carzy Yoyo。我地終於等到晴天!!!!!!!!

下次再講,睇下相先。

k










LinkWithin

Related Posts Plugin for WordPress, Blogger...