17.10.12

婚後物資出售

結完婚第一篇 blog 梗係賣野啦!!!

A. 簽名筆 1 - 黑色 - 粗頭 - 6 支 $30




B. 簽名筆 2 - 綠/藍/紫 - 幼頭 - 5 支 $30




C. 證書筒 - 環保紙色 - 3 支 $10



D. 絲帶 - 單面 - 1寸粗 - 啡色 - 原本一卷 80 碼,已用 3 份 1 左右 - $30




E. 紅酒 1 - Wyndham Estate Bin 888 Cabernet Merlot 2010 - 12 支 - $599


F. 紅酒 2 - Jacob's Creek Reserve Cabernet Sauvignon 2008 - 12 支 - $780


紅酒要晒既話 - $1300



G. 法國軒尼詩干邑白蘭地V.S.O.P 700ml - 1 支 - $380



連埋紅酒紅酒要晒既話 - $1650

如果總數 $100 樓下既話只在屯門/灣仔/TST/青衣交收

如果要紅酒的話,請自備車仔,歡迎屯門/青衣交收。

my email kiroroho@gmail.com

k

26.9.12

DIY PomPom Status

由於忙到甩肺,睇黎都要過左 Big Day 先會得閒 update。up 住 d 相先啦!



k

2.5.12

小明上筍崗 - 買野篇

竟然俾k吹我交稿…=,=

大家如果是想看婚妙禮服的話,就請參考廣州篇的內容。事關筍崗所提供的只是過大禮物品、結婚當日的雜物(如雨傘、茶具、囍字利是封等等)以及少量繡花鞋。在場所見亦有數間做回禮紙盒的,不過我們並不適用所以未有研究。

出發之前k和我已上晒網做晒research知道筍崗有兩大店出售結婚用品 -- 鵬鵬和立興。但發現很多朋友也說立興貨品比較齊全而且平宜,所以我們一開頭便以立興為目標。

IMG_1502

一走入筍崗文具批發市場A棟,正門入口中間便是大大隻 “立興”的字(左手邊條行入就在賣雨傘店後),不會很難找。但是我們到達時(約下午二時)已有排山倒海的香港人,於是我們便在內亂行,發現二樓都有一間出售繡花鞋的店(但貨色一般而價錢是香港七折),樓下有多另外兩間也是出售此類物品的店,但店面較 “立興”細。

亂狂一小時再回店,都是一樣的排山倒海。此時有位店員問我們去不去分店執貨,那邊較大及較少人(騙案feel)。k和我也很怕迫人(而且帶路的哥仔是個好靚仔的童工),我們便飛快跟著那哥仔行。先看看分店的路線圖。

map

目的地是一個叫 “筍崗工藝城”的地方。其實只是沿住寶安北路一直行到桃園路轉左直行便見到在對面。

IMG_1498筍崗工藝城正門
 IMG_1496一入工藝城就在中間那行見到大大隻字寫住 “立興”(紅色那間)

此店真的少很多人,店面比較大而且有冷氣,比起在文具市場那邊較文明。之後我k和我就飛快執好晒所需物品,埋單一舊(因為有很多野我也重用家姐的,我們總共只是買了十二樣野)。

結輪:
- 記得先準備一張要買的清單(我見到有情侶勁到準備好excel仲有時間格埋價)
- 大家可直殺入分店,真的較安靜及少人
- 貨物是比香港平,但是和廣州相比廣州又平一點而且看上去質量較好。(我們沒有很努力去講價)
- 繡花鞋質量較差,覺得廣州或香港買較好
- 很多傳統上的需要店員也知道,不過請想清楚自己需不需要,不要因為有就買
- 如果買得多,請記得帶行李箱。不過該店亦有嫁妝箱(紅gip)出售 <- 都係個句,要先好買
- 聽聞過大禮的籃set是可以訂的,他們會送到香港。不過不知售價及安排
- 在場未有見到鵬鵬,不知道是不是miss左定執左

另外就是看到收據原來在羅湖也有另一分店。不過不知道售價會否一樣。有興趣的朋友可看看(懶得打,請自己抄):
IMG_1658

s (出完trip jet lag 中)

14.4.12

小明上筍崗 - 坐車篇

除了廣州外,k和我亦趁住復活節假期來個深圳筍崗一天遊。

筍崗位於深圳近羅湖方向。從Google map 所見,打的過去的話是廿蚊左右(在網上看到的,其實我自己就未試過)。坐巴士也可去到(羅湖站外102號巴士於筍崗東路下車),不過detail請先上網confirm下。


至於k和我,選擇了坐地鐵,於紅齡站下車再行約二十分鐘便到。(其實都要行幾遠,唔行得的朋友請打的啦)


好,講一講路線圖。


一出關先殺入地鐵,並於老街站下車轉線。


跟大隊一路直行到見到轉藍色線牌(往益田方向,在同一層,不用上落)。


轉右一直行就到藍線往益田方向月台。再坐多一個站便是紅齡站。



上到車站,從D出口離開。


出了車站轉右,就會見到有很多賣跳舞衫的店舖。一路直行,再過一條馬路,再一路直行(條街冇咩睇)直到見到一隻有病的喜羊羊及他的豬朋友。(塊面紅到有病)


望上去就會見到永安堂大樂房。


此時就要在路口轉左。之後一路直行便會到。

此大廈便是賣結婚野的筍崗文具批發。


記住地址是在寶安北路1021。

下期再續買野篇。

s

14.3.12

Prewedding@芝柏 - 睇相落搭篇



其實影 pre-wedding 當日就冇咩好講。Post 都是 template 的 post,笑容、角度等等都是 template (基本上同你在店內見到的 sample 相簿的 post 都是一樣,差在你不是那個模。) 最開心就是聖誕那幾日都是天黑黑又凍咁。唯獨是 boxing day 那天天公造美!真的要去還神。

之後到了一月中,便是睇相拺相的日子。我們十分 looking forward 被 hard sell 的日子,還想好了如果對方說這我們便會回 plan A,對方說那,我們便回 plan B 等等。

一去到等他們 load 好照片開好 folder 後,都未行到去部機度,我們便卡卡聲笑起來。"嘩!呢張哨牙!” “呢張想點先!” “好樣衰呀!”等等.. 雖不能說是很大聲,但坐在我們對面的那對 couple 是絕對聽到的,不過我們仍是很 free 的繼續取笑自己的照片。至於那個 follow 我們的 sales,一開頭很有禮貌的不停微笑,點知過了一回,佢!走!左!!!!! 我個 plan A 我個 plan B 呀!!!!!好灰呀!我想好的橋段通通都用不上了。

之後我們很努力的拺相,而身為 IT 從業員的 k 就職業病上身咁,一次又一次好順手地將拺好相的那個 folder 一野就 close左,於是的地拺完又拺,拺得勁辛苦咁,要人地 sales 過完黎又走開咁。

我們的 package 是跟 18 張相的,但我們拺了約 20 張後便有了選擇性障礙。這個時侯,sales 姐姐就說: “其實一本相簿最完整是 22 張(即係厚度不用裁)”,再輕輕 sell 下咁。那我們便說好的,就要埋這兩張。sales 再吐一句 “都好!過完年不用食白果!”..我想說,其實你們沒有錯,只是我們天生太樣衰,影的相好難拺得落手,如果你們影到我們像李嘉欣同吳彥祖咁,其實我們也很好 sell 的。

s

6.3.12

Pre Wedding @ 鳥溪沙

見天氣唔好就走左去四圍行下,其實鳥溪沙影陰天都 ok 架。大家可以參考下 Billy On Air 既大作。(reference 1,  reference 2,  reference 3reference 4 , reference 5reference 6)

最主要係有個觀星台,石灘同渡頭。當然影得靚唔靚好睇你攝影師啦。

 觀星台

 石灘

渡頭 

石灘

k

4.3.12

Prewedding@芝柏 - 改日子篇2

就在12月22號的中午,突然收到芝柏的來電 (一打黎就知又是那位c小姐)
C: 你好呀!我想問下你呢,不過都係唔得家啦,唔緊要啦(好委屈的聲音)
我: 咩事呢?
C: 冇,想睇下你地23號(註:那時已經是22號中午)會唔會得閒上黎之嘛。
我: 我地咪22號上黎做fitting囉?26號影相囉!
C: 唔係呀!係23號下午有個空位,睇下你地得唔得閒囉。不過都係唔得家啦。
(我頂!你打黎搵我地攝位!要我地專登請假黎影相仲要好似好辛苦佢地咁!真係聽住個電話火都黎埋)
我: (扮平心靜氣中)一定唔得啦,而家點請假先!
C: 咁好啦。睇下你地張單先,23號你地四點左右上唔上到黎?
我: 我地要返工家喎(又loop返去同一個問題),我收五點半,最快都要六點半先上到黎啦!
C: 咁你不如影相0個日早點黎啦。最多我0個日早點返舖頭就返你啦。(真係辛苦你啦C小姐)
我: 咁要幾點呀?
C: 九點左右(車!都只不過係九點!)
我: 就咁啦。
C: 咁你27號九點上黎啦!
我: 咪住先! (!!!!!!!) 我地唔係book左26號家咩?點解係27號!?
C: 係27號喎,boxing day嘛?
(呢個moment我真係要爆粗了!boxing day 點會係27號呢!! C小姐呢一生人入面既boxing day原本同其他人既boxing day是不一樣的! 真是sad!)
我: 我地係book 26號家喎。我打去同我男友confirm一下先!
如是者我就氣沖沖地打給k。但k一再確應是26號。於是我再電芝柏,今次是另一位後生小姐接來電。

我: 唔該我想check下XX影結婚相既日子,應該係26號。
芝: 請等等.......係呀,係26號
我: 我地而家改左26號朝早上黎先睇衫。
芝: 好,咁我幫你cancel左23號0個度啦。

有冇搞錯!即係頭先C小姐打黎係唔知搞乜囉!!!我真係好想知道C小姐平時呢個浮游mode係點樣做得成生意。我仲記得佢sell我地package 0個陣都不知幾咁精靈!!但佢就令我嬲左成個lunch time。真係食唔落!!

27 Dec = Boxing Day?

下期再續boxing day婚攝記

s

17.2.12

Prewedding@芝柏 - 改日子篇

話說上回我們到芝柏轉單時,本已經約好會於去年十二月二十八號影prewedding。(基於我們購買的是極cheap plan,我們的package不容許在weekend 拍照。) 之後由於本人去了出trip一個月之久,所有大小事務聯絡事宜均交由k跟進。

IMG_0868

送:瑞典街景一張

在國外某天和k通電時, k說芝柏要求我們更改拍照日子到十二月二十六日boxing day,因為(我覺得)有個買大package的客人要求在二十八號拍照。我們當然是立即lur飯應啦,請了那一天假可以休息一下(而且那時k基本忙到不行,多了一天返工,簡直要去還神) 。

好啦,回港後我即打去book時間選晚裝,咁到拍照當日就可以睡晚一點 (因不用早點去選衫)。第一次打電話時,我記得是我們負責的sales C小姐接電話,內容對話如下:

我:   唔該我約左12月26影prewedding想約12月23睇左衫先
C:    好呀,你係XX聯婚嘛 (語氣是懶醒)
我:   唔係
C:    咁係唔係XX呀?
我:   唔係 (@#@&$內心爆粗中)
C:    係唔係XX小姐影家庭照呀?
我:   唔係喎 (我唔係已經講左影pre-wedding啦咩?!!?!?)\
C:    咁係唔係XX影畢業相呀?
我:   唔係!係XX影pre-wedding
C:    噢!搵到啦,boxing day影相。咁你12月23黎啦。

如是者我就大安指意其待23號的來臨。

~續~

s

1.2.12

Wedding Gown 之男禮篇



男禮由 Day 1 開始已經諗住用 Gary & Joe 架啦,但係小弟睇得 yahoo 劣評太多,又賺佢有 d 貴。(因為我諗住造普通 Black Tie 既關係,著得兩次太貴唔捨得) 再加上幾多 blooger 都讚祥興,平、快、正,就一心諗住去祥興啦,點知‧‧‧‧‧‧‧‧‧‧‧‧‧‧‧‧‧‧

k 以為三月頭先影 prewedding,過左年先上祥興造都大把時間。咁去到初八就打下電話睇下開門未,未開 wor初九又打,仲未開 wor。心知不妙,一收工就即刻飛過去睇下,原來佢開初廿七呀!!!!!!!!!!!!!!!!!!!!!

大鑊!咁即刻鏢去尖沙咀同 s 匯合,中途係咁 search yahoo blog、google 睇下 blooger 用過邊幾間男禮。去到 Phxxical 見 s 仲俾人 sell 緊,我即刻起勢喪 search。就近既都係得風格洋服、裁藝同 Gary & Joe。個 sales 見我黑晒口面坐左係到一聲唔出,就好快咁 sell 完。(其實我係惆悵
緊,同好焦急)一個箭步去左風格洋服。e~~~~初九啟市。裁藝 。 初十啟市 wor。Gary & Joe 開左門 wor,冇人,仲要 Gary 係度。緣份呀 ! !!

跟住落黎都大同少異,睇款/布/內履/度身。其實我個腦入便都諗起 blooger 投訴 Gary & Joe delay 既 post (因為佢係喪改你件衫既),不過 Gary 拍左心口三月頭一定有就到時先算。

13.1.12

DIY - Welcome Board


個 Blog 完全荒廢左,因為搞緊D 無謂野。不如俾你地睇下 D  無謂野整得 ok 唔 ok?



P.S. 我唔鍾意隻錄色,有冇人有好提議邊隻錄色 OK 呀?

k

12.1.12

Something thine wedding shoes private sale

結婚鞋專門店Something thine wedding shoes現舉行private sale, 是次sale 只限facebook fan only, 大家快d去 like 佢個page 再make appointment啦。




LinkWithin

Related Posts Plugin for WordPress, Blogger...