16.2.11

求婚記 - 預備編

上一次 s 的生日,友人馬(同 s 一齊去澳大利亞流浪那位)送上一本自制澳大利亞流浪 Photo Album,令我女友感哭流涕,我已經心知不妙。因為大!大!大!大!加大左我求婚既難度。雖然我知道無論求婚既過程如何,s 都會答應我 (:P),但係前車可鑑。心入便諗住一定要有 SurpriseSurpriseSurpriseSurpriseSurprise........

咁 Surprise 係咩呢?如果觸光晚餐 + 鮮花 + 鑽戒好似冇咩 Surprise wor!野外定向、生日 Party、機場包裹個 D (如果你冇睇過既話,請到 youtube 自行尋找)都幾高難度,同埋會好容易俾 s feel 到。咁岩 s 話有兩日假,咁就診去旅行時求婚啦!原本個 Plan 就去新加坡金沙食個飯,再係天台個花園求婚。




不過 Check 左幾間 agent 既 package,發現去新加波居然貴過去日本,咁就轉軚去大阪。當俾晒錢 Travel Agent 之後,突然間醒起。弊!邊度搵過個咁靚既空中花園求婚呢!仲要安排花!咁嗱嗱聲上網做功課啦。發現左 Umeda Sky Building 都 ok(title 張就係),就即刻 send email 去要求送花既安排。跟住成個星期都冇反應,發現原來佢地唔識英文.... =.=||| 唯有即刻搵係京都讀書既林尾幫手翻譯同再 send email。同一時間,我又搵左 s 既日本妹朋友 (我素未謀面的) 幫手打去問下,居然俾 Sky Building 拒絕左!!!心諗!大鑊啦!唔通要用假花?又諗返機場包裹送花個招 Work 唔 Work 呢!就係呢個時候 Sky Building 覆返 email 話 ok wor,不過佢要求我親自打俾佢 confirm 送花同當日通知佢既安排。由於林尾自稱日語不濟,又要厚住面皮搵日本妹幫手打去 Sky Building 同花店。唔該晒日本妹同林尾!

當所有野安排好晒既時候,個人就唔知點解開始緊張,都好耐未試過咁緊張啦!

k

沒有留言:

發佈留言

LinkWithin

Related Posts Plugin for WordPress, Blogger...