24.8.11

婚前檢查

其實婚前檢查究竟有幾重要呢?係網路上搵到一篇文章寫得好好,下便會轉載一下。只要係 Google search 一下,見到大部份人都係 join 家計會同 kinetic。其實方間既婚前檢查內容都大同小異,都係 check 下有冇性病、遺傳病及精子活躍度,至於子宮檢查通常要另外加錢。而我地 join 既 kinetic package 如下。







之前話寫得好好既文章 from Yahoo!Blog "阿豬爸" 給"阿豬媽"的一個家

-------------------------------------------------------------------------------------------

婚前檢查是很重要的!! 2011-08-19 12:33

成日都覺得婚前檢查既重要性.....所以係BOOK完酒席...
第一時間既...唔係BOOK PRE WEDDING,唔係BOOK 其他野....
第一時間係BOOK 婚前檢查.....

因為自己工作關係....經常見到好多夫婦無仔生...
先生或者太太一邊有問題,攪到另一邊好想生冇得生...婚姻生活唔開心...
老公或者老婆唔知自己或者另一伴有性病,到左有BB先知...
個BB可能都有性病之餘..連另一半都可能被感染到...攪到2人互相不信任....

當然唔係話任何一個人想隱瞞另一伴...而係有好多時可能連本人自己都唔知...
因為相信任何人唔會無端端去檢查自己有冇性病架MA.....未必係性病....
有D遺存性既疾病就更加唔會知!!!連我自己都唔知...自己有冇地中海貧血因子啦....
所以我覺得要及早做好準俾為自己另一伴同埋下一代著想....做檢查啦.....XD

好似賣緊廣告咁...但我真係見唔少....諗下...
如果你好鐘意小朋友...而你另一半生唔到...你會點??
當然唔係話你要離開佢...但係起碼都要有個心理準備會好D....咁你又唔會好失望而另一伴唔會好大壓力....價錢都唔係好貴之MA...千幾蚊一對新人....
所以大家好好考慮下前檢查啦~~~~而我地???尋日已經做左啦....你地呢?

其實婚前檢查真係同平時我地做開既身體檢查好唔同...婚前檢查既項目...都有好多種...但太陪份都類同既....
一般都要包括到大家關心既以下幾點啦...

最重要....性病問題...!
  1. 主要要CHECK 有冇以下既病啦....愛滋病,梅毒
  2. 遺存性問題,因為對下一代會有影響既乙型肝炎表面抗原 ,乙型肝炎表面抗體(分別睇下你係咪有乙型肝炎 ,同埋如果冇既話,有否抗體,如果冇建議你打....因為可以防止感染...尤其如果你另一伴有架話就更加要打...)因為有肝炎既話...患上肝臟病機會高好多..尤其肝癌....
  3. 德國麻疹抗體測試-基本上1985年後出世既人都可以免..因為佢地一出世都已經打左疫苗架啦...但1984 年前出世既呢就真係要驗...因為係冇打到既....所以如果冇既話就需要係懷孕時打疫苗...以減少BB感染既機會
關於生BB時要注意既野....
  1. 血紅素成份分析-即係地中海貧血症既問題...因為如果不幸遺存左俾小朋友...佢地會容易有出血止唔到同埋血中含鐵過高問題,會要佢地終身不停咁打針同埋洗血...好痛苦架!!
  2. 血 型 及 恆 河 猴 因 子(即是O +既+VE)如果你既血型係+VE就冇問題,但如果你係-VE (O-) 既話...係你生第一次BB既時候就冇問題,但第2次生BB...果BB係+VE血型既話可能會冇溶血性既問題出現...或會導致BB死亡...
  3. 生育能力既問題啦...呢個通常要睇下男仔想唔想啦..可加可減既.....當然我地係有做埋架啦....精 液 常 規 檢 查 -包括:數目同埋活躍性啦...因為最關係到生仔呀MA...
基本身體檢查...
  1. 體 重 、 身 高 、 體 重 指 數 ( BMI ) ,血 壓 ,全 血 檢 查,尿 液 檢 查 ( 尿 糖 及 尿 蛋 白 ) ...都係睇下你有冇糖尿病呀...因為會遺存架....貧血呀....
  2. 最後都係要另加錢錢既...子宮頸細胞檢查....因為佢可以驗埋...有冇子 宮 頸 癌 、 陰 道 癌 及 椰 菜 花(PS.我見過最後生係24YEAR OLD有子宮頸癌....要CUT左子宮...T^T)
希望以上HELP到你啦...
而我地就搵左"基督教聯合那打素社康服務中心"
因為佢地係同非牟利機構同埋同公立醫院有關係...TOUCH WOOD有事都可以直接轉介呀MA....不過最緊要係有晒我所講以上既野就OK
價錢1300左右FOR 2 ...但我見過有其他私家都會較平D....最好係婚紗展JOIN...優惠多D....XD有咩唔明可以再問我呀XD

------------------------------------------------------------------------------------------------

LinkWithin

Related Posts Plugin for WordPress, Blogger...