30.7.11

Prewedding@芝柏 Coupon - 落搭編


因為酒樓送左張芝柏 Coupon 既關係,就同 s 去芝柏睇下同埋做一個所謂轉單既手續。佢 Coupon 送既 package 主要係包兩套婚紗/晚裝,男仔就包一套平腳禮服,淨色 studio 景,化妝及八張相。由於我同 s 幾鍾意其中一個 studio 及戶外景,所以就決定俾多三千幾蚊 upgrade。就有 18 張執左既 soft copy 相 (1,200 萬像),再入埋相薄。

芝柏個 sales 幾 ok,一路都冇 hard sell。仲成日行開左佢俾我地自己睇下傾下,同埋佢地聲稱有個千套婚紗/晚裝款 ( d 相真係多到唔願睇)。

其實我地點解仲要影呢 d 唔駛錢既 Prewedding 呢? 最主要有得 rehearsal 下遲 d 既prewedding 啦,因為你唔係做開o靚模,擺 post 一定好生硬。另外就係想 s 試下 d 婚紗/晚裝,睇下邊隻 style 岩佢自己。

希望影個日唔好落雨啦!!!!

k

20.7.11

嫁女餅卡


餅卡一路收得多,買就真係未買過。同 s 既諗法係餅卡呢 d 傳統野,就諗住跟返傳統做。都係親戚就派唐餅,其他就派西餅。所以 Häagen-Dazs 個 D 就諗都冇諗過。至於餅店就來來去去都係個兩三間,不外孚美心、聖安娜、奇華同恆香。由於我地諗住方便攞餅為先,所以就揀左美心西餅同奇華既唐餅啦。

如果買西餅卡既話,其實聖安娜係平過美心既。兩間既西餅卷都有分唔同級數,而聖安娜餅卡係有時限既,美心則冇限期。奇華同美心類同。不過美心其實係有中西餅卡 package,比散買平,但唐餅就唔係間間分店有我攞。不過記住!!! 每次婚展都會有唔同既優惠,由 75折到85折不等。都係買得越多越平,我地就 4 個 friend 加埋買左 800 張餅卡。但係如果你諗住婚展買餅卡既話,就最好一早去,如果唔係通常都要排一個鍾頭隊既。

至於點解我地咁做買餅卡?因為年年加價!!!!!!

k

P.S. 記住要小心網上販賣既餅卡,因為宜家每張餅卡有獨立 number。如果唔見左張餅卡,係可以報失同補領既。小心小心。

LinkWithin

Related Posts Plugin for WordPress, Blogger...