呢條 Vera Wang ok 嗎?
我同 s 每次 Wedding Expo 都有睇下租婚紗既鋪頭,結婚"廣告"雜誌都睇過一大疊,淘寶都search 過一堆,滿以為有晒 idea 去睇婚紗會好快搞點,真係搞錯晒。一件婚紗唔著過上身,你永遠都唔會知個效果係點,就算係完全冇諗過既 style 都建議你去試下,有時出黎既效果真係估你唔到。
首先個人喜好梗係好重要,但係一件婚紗由睇相,到衣架上既實物,再著係個身到既感覺完完全全係幾回事。因應婚紗 cutting 與新娘既身型出黎既效果可以相差幾遠。建議大家可以 book 多幾間婚紗店,試多幾件,試下邊種 style,邊種 cutting 先最岩自己。
另外一件婚紗好唔好睇真係好睇 cutting 同手工,學 s 話齋一件婚紗做得好唔好,質料好唔好,一著上身一模上手就知道,完全冇得呃。拎黎影 prewedding 當然唔多覺岩唔岩身,質料好唔好,釘工好唔好,但係一見真身就知龍與鳳。
再者場地安排對顏色既選擇影響都好大,因為婚紗既白色本身都分兩種。一種當然係純白色婚紗,另一種就係米白。係酒樓或酒店影響當然唔大,但係行教堂就一定要選純白婚紗。因為你件婚紗一定要比教堂更白,先會更特出更配合個環境。唔好以為米白色差少少問題唔大,一拍落純白色既背景都幾覺下。
同埋賓客既衣著都會係你考慮既因素,如果你既賓客大部份都係 well dressing。你既婚紗就要比較 formal/隆重先會襯返,相反亦然。
P.S. 由於原來呢個 Blog 係有 fanssss,佢地亦都兜口兜面要求有 update。所以拿拿聲 update 住咁多先。sk 既 WG 之旅下期分解。
k
沒有留言:
發佈留言