14.3.12

Prewedding@芝柏 - 睇相落搭篇



其實影 pre-wedding 當日就冇咩好講。Post 都是 template 的 post,笑容、角度等等都是 template (基本上同你在店內見到的 sample 相簿的 post 都是一樣,差在你不是那個模。) 最開心就是聖誕那幾日都是天黑黑又凍咁。唯獨是 boxing day 那天天公造美!真的要去還神。

之後到了一月中,便是睇相拺相的日子。我們十分 looking forward 被 hard sell 的日子,還想好了如果對方說這我們便會回 plan A,對方說那,我們便回 plan B 等等。

一去到等他們 load 好照片開好 folder 後,都未行到去部機度,我們便卡卡聲笑起來。"嘩!呢張哨牙!” “呢張想點先!” “好樣衰呀!”等等.. 雖不能說是很大聲,但坐在我們對面的那對 couple 是絕對聽到的,不過我們仍是很 free 的繼續取笑自己的照片。至於那個 follow 我們的 sales,一開頭很有禮貌的不停微笑,點知過了一回,佢!走!左!!!!! 我個 plan A 我個 plan B 呀!!!!!好灰呀!我想好的橋段通通都用不上了。

之後我們很努力的拺相,而身為 IT 從業員的 k 就職業病上身咁,一次又一次好順手地將拺好相的那個 folder 一野就 close左,於是的地拺完又拺,拺得勁辛苦咁,要人地 sales 過完黎又走開咁。

我們的 package 是跟 18 張相的,但我們拺了約 20 張後便有了選擇性障礙。這個時侯,sales 姐姐就說: “其實一本相簿最完整是 22 張(即係厚度不用裁)”,再輕輕 sell 下咁。那我們便說好的,就要埋這兩張。sales 再吐一句 “都好!過完年不用食白果!”..我想說,其實你們沒有錯,只是我們天生太樣衰,影的相好難拺得落手,如果你們影到我們像李嘉欣同吳彥祖咁,其實我們也很好 sell 的。

s

6 則留言:

  1. Hello 你好呀! 無意中看到你原來都搵左Suzanne Hung 做MUA,我未找佢呀,不過好快就會試妝,我見到佢D 妝都好似幾自然咁,其實你點解會找佢既? 佢同你試妝那天OK 嗎? ^^

    回覆刪除
    回覆
    1. 你好呀, 請問你點知道我搵左suzanne做我MUA? 我好似冇講過的.

      刪除
  2. 我search 佢個名,彈左你個blog,入面帶個進度,化妝師係佢喔,對不起,我無心的,只係心大心細唔知選唔選佢做我mua好,咪上網search 下,就見到你的blog. 你覺得佢ok ma? 謝謝!

    回覆刪除
    回覆
    1. 不是啦, 我只是好奇問下~~不用介意.

      我覺得suzanne 好有心機化妝, 而且好好人。但其實我只係試過兩個MUA,而suzanne化得比我第一個試的化妝師好, 所以我決定用佢,而且佢收得好平. 不過我覺得佢有d慢,可能係試妝所以佢慢慢黎.

      有冇睇過我講我家姐個MUA 那篇? 你都可以睇下我講她的那篇文 http://doublekwedding.blogspot.com/search/label/MUA 因為我覺得佢好有heart 而家好快手. (但如果你唔like 她化的妝可以不用聽我的意見)

      希望幫到你.

      刪除
  3. 對啊,她的確比較平呢,我看到她的網頁的造型幾日式幾清,才想用她。Sam 我也有留意啊,不她好像加價了很多,實在負擔不起。。。多謝你的意見啊!很高興認識你!

    回覆刪除
    回覆
    1. nice to meet you too! 希望幫到你做個快樂新娘子

      刪除

LinkWithin

Related Posts Plugin for WordPress, Blogger...