搜場記 - 九龍會@紅磡、薈軒@灣仔

九龍會@紅磡

九龍會一直係 s 家族飯局御用既地方，雖然因為 s 父親唔鍾意及圍數限制於 24 圍以下而放棄。不過個場其實幾 Grand，服務態度十分十分好，如果你唔介意佢樓底矮，同地方隔涉，諗得過！

九龍會位於紅磡愛景街 8 號海濱南岸會所，最多只可以擺廿四圍，不過 manager 亦好老實。如果多個廿二圍既新人就唔好選擇佢地既場所。和 s 心血來朝在沒有預約既時候殺左去睇場，因為當晚有人擺酒，我地去到既時候開始擺場。

裝潢好新，以白色和米色為主，加上水晶吊燈，如果唔係樓底矮真係好靚。基本設備一應俱全，新娘房、追燈、直播.......

可以要求有獨立既耍樂區，好鬼靚

仲有佢地態度好老實，亦唔會有任何 hidden cost。抵讚！不過要留意，如果你擺廿二圍以上真係唔好諗，因為廿二圍真係岩岩好，再多兩圍就真係好迫。

P.S. 如果你有親屬係會員，佢會有好多野可以免費 upgrade，記住問清楚。

薈軒@灣仔

其實薈軒無咩特別，典型酒樓格局。因為 s 睇相見到佢維多利亞式既 side hall，便滿心歡喜灼去睇場。不過俾佢主禮堂既金色金字塔天花嚇親，無論佢價錢有多相宜，職員多親切也沒辨法了。

總括黎講薈軒都算就腳，一眼望晒，設備齊全，菜價相宜，裝潢較新，不過樓底矮，同金字塔天花就.......

k

試婚戒記 - 最後買左.......

由於聽到了各大品牌加價的消息，便與 s 嗱嗱聲去買婚戒。首先我們到了周生生、六福等傳統珠寶店看一看。其實他們鉑金的選擇唔多，18k 白金的款式則較多。Sales 們都話鉑金較軟很難做戒子！！！

與 s 一直想搵簡單、舒服及精緻的款式，周生生、六福等珠寶店款式則比較花巧。早前都有望過下 PN、Just Gold......，不過當日都係走返去 Cartier，想再試一次 Ballerine 系列。緣於上一次沒有一試正確大細的婚戒，這次好認真咁度好過 Size 後，便等店員安排。五分鐘後，店員告知全香港店舖也沒有我們的 size，香港亦暫時唔會再入此款式。如有需要可向總行訂購，須時三個月及收取額外既費用。係咁既情況之下唯有放棄。因為帶上大小唔合適既婚戒，總係好突兀，完全睇唔出岩唔岩自己。

接著便走到上次招呼欣勤既 VCA (詳情)。由於看不見店員 n，便由在大堂當值的女店員招呼。我們交低 mark 了 model 及 size 的 booklet後，女店員入倉取婚戒時。s 問會唔會唔係太好，因為上次店員 n 的服務這麼好。日頭真係唔好講人，店員 n 突然之間走左出黎，仲帶著婚戒出黎俾我地試。真係嚇鬼，失驚無神閃左出黎。有過上次既經驗，我同 s 好快便選定了 Toujours 2.5mm 為我們的婚戒。普通圓型方邊既設計，表面只有唔顯眼既 signature。最緊要帶上手指貼手舒適，係一生人以黎帶過最舒適既戒子！！！(我都唔帶戒子既)

在等候付款的時候，店員 n 說介紹一下 VCA 既 dresses watch 俾我地認識。店員 n 拿了Monsieur Arpels Alarm GMT watch 出來示範，這隻錶特別之處在於他的鬧鍾公能是模仿錘仔鬧鍾的設計。除了有宏亮的撞擊聲外，還會震動。真係幾別緻，零售價廿多萬。其實店員 n 手上也帶著一樣的手錶，只不過多了一圈碎鑽。究竟佢一個月幾多花紅既啦？

P.S. 由於未訂酒席既關係，所以仲未知刻咩日期。店員 n 我地係會再返黎揾你既。

k

白蘭氏 活顏馥莓飲

最近我在喝這個。

之前見到小s賣廣告便產生興趣 (我自己本身會為了某明星或包裝而去光顧的人。所以說packaging是何奇重要)。某天經過尖咀碼頭屈記藥房見到$198兩盒(6支裝)，平均每支$16.5。抵喎!便入了兩盒試飲。之後再發現在維園附近的同一藥房正以$218出售14支裝。平均每支更平宜($15.6)。其後我發覺原來此藥房的售價每間都不一樣(奸商)。如有朋友發現其實其他地方賣得更平請告訴我。因我會在出嫁前狂隊一個月。

這支白蘭氏飲品入口有點像利賓賓。沒有賓賓那麼甜，但多了一些其他莓味。(看個盒也知道了吧)。飲品內含水份、野櫻莓、黑加倫子、紅莓及藍莓濃縮汁，一些調味劑及葡萄籽精華。如果是愛莓而平日又狂吃莓的人，這支果汁可有可無。但現在買盒藍莓都要十幾蚊啦，而且兩三天就會變壞，所以我覺得喝這個比較方便。

現在我大約試飲了兩個半星期(共17支)。每天早上空肚喝一支(註:因為此飲品比較酸，胃不好的朋友建議飯後飲用。而樽上亦有建議每天早晚各飲一支，不過我只是試飲及慳錢，所以我每天只喝一支。不過每天一支也可以看到功效了)。飲用後覺得便便暢通了，面色像紅潤了，看起來比較有朝氣，而且之前一些暗瘡印也有些少減退了。但畢竟這支野並非萬能，對防止生暗瘡及毛孔收細毫無幫助。飲了後臉仍舊是一樣的油。不過我實在喝不起那些有千樣功效的萬能藥水。這支對我來說已很不錯了。喝完我所有的現貨，我會先停喝一段時間。看看會不會打回原狀先。有報告再在此更新。

s

小小道消息 VCA 四月加價

其實已經 confirm 左啦！有買診手啦！！！！

不過 Confirm 左 Cartier 未加 wor！

k

小道消息 PIAGET, Tiffany Co. 同 Cartier Wedding Bands 加價

呀比利 send 左條 link 黎睇 (walker BLOG)，話 PIAGET、Tiffany Co. 同 Cartier Wedding Bands 都係 3 月 1 日加價。唔緊要啦！財爺每人派 6000 蚊，夠 cover 既。不過原來奇華都加左價.............=.=||||

k

試婚戒記 - Forever Couple、Piaget、Tiffany 婚戒

由於睇場都睇得七七八八既關係，我地就開始睇第二樣要準備既野 - 婚戒。因為同 s 都想影 pre-wedding 既時候用婚戒做道具，所以我地就 on and off 咁繼續睇下。

Forever Couple

Forever Couple 既店舖係尖沙咀廣東道既樓上鋪，店面唔大，可以睇既款色唔多。其實佢既戒子款大部份較粗身，亦較厚。可能要就返佢獨特既 features，Signature、Fingerprint 同 Momento。

Signature Fingerprint Momento

Signature 就係刻上雙方既簽名、Fingerprint 就刻上對方既指紋、Momento 就刻上手寫既字句。其實我自己係俾佢地 original 既設計吸引，則面可以刻上日期與雙方既名字，再用三粒碎石對稱咁分開。賣點係當你肥左再唔岩載既時候，可以當吊咀咁掛係頸鏈上。(不過 s 話配偶死左先會掛戒指係頸鏈) 還有佢地既戒指金屬感好重，缺少左手飾那珍貴既感覺，可能因為用左 CNC 切割既關係。(有關 CNC 切割)

大日子在兩粒碎石之間、雙方名字刻在碎石兩邊

我同 s 係星期六去睇，坐左十五分鐘到已經見到有三對 Couple 拎戒子，我諗佢既獨特 design 真係好多人 buy。點員服務亦好欣勤，臨走仲話如果有咩款睇岩，佢地都可以幫手做咁話。不過大家要留意佢地所有既戒子都需要幾個月左右既時間訂做。

PIAGET

睇完 Forever Couple 就跟手去左 PIAGET 兜左個圈。試左佢地陽光味好重既 Wedding Bands。

可以轉既婚戒你想唔想要？

PIAGET 既設計係由一個闊既內環再加一個窄既外環，寓意係對方圍住自己既意思。(one of each turns around the other) 我諗呢個設計唔會太適合東方人。另外佢地係冇標價，唔知幾錢對呢？

Tiffany & Co.

最後我地去左 Tiffany & Co.，不過由於太多內地客既關係，宜佢地只得 5 個 sales，我同 s 與另一對香港人係冇人 serve 的，望左幾眼就走左啦！

不過就咁肉眼望落去， Tiffany 戒指質感比較粗糙，冇 masterpiece 既感覺，同 Cartier、PIAGET 或者 VCA 細緻既感覺好唔同。

k

就是這樣的求婚

話說到日本的第一晚，我們打算到umeda sky building看夜景（前面的求婚記k有提及）。一到梅田k 就顯得異常興奮。當時我亦不以為然，因每次他去旅行，他都會變成小孩般，周圍跑又唱下歌咁。

在瀧見小路吃過晚飯，hea了一段時間後，我們便買票準備登上梅田摩天大廈。我本身超愛從高處眺望夜景，但k 卻會畏高。當晚我見k十分緊張咁，便數次問他要不要登上，結果他說打死也上去喎，咁我地咪上去囉。

一上到去，嘩！真的好漂亮！！走廊是夜光星星來的，就像在夜空上行走一樣，好不浪漫。

梅田摩天大廈本身是個環型的空中花園，可眺望大阪市的夜景。其中有個落半層的小陽台位置（十分俗氣之corner位），是供情侶拍照留念的（有個腳架可放相機）。一見到已經唔太開胃，但那時ｋ很興奮的跑了下去，再招手叫我走落去。本來我打算從上半層是旦影張相交差就算，點知站在入口的食ｑ哥哥係咁 “多左 (どうぞ）”我。OK，為了你，我落去。

一落到這個俗氣之corner當然是影數返數張情侶到此一遊的交差照片。影完後就見到有兩條友企左響處，其中女的拿住一束花，走上前問k是不是X先生。ｋ接過花後便跪下，沒有浪漫情深的對白，只得一個可憐小狗的眼神搭上一句“你可唔可以嫁俾我呀？”。儘管是如此簡單的求婚其實我也覺得夠窩心了。當時的我腦內已是一片空白，而眼淚亦正準備水銀瀉地之際，ｋ突然說“哎呀！唔記得拎隻戒指出黎。”就立刻從包包裡把戒指拿出來。嘩！！我的眼淚即刻收都收唔切，成個感動mood冇晒。最後，我已經忘記了自己給了ｋ怎樣的反應，總之戒了最段也到手了。呵呵！！

我的戰利品。有花、戒指，原來還有求婚卡一張。

我就在這個俗氣之corner被蝦碌的k成功求婚了。還有594日，便進入另一個階段。